Lárphointe eolais na Gaeilge: Nuacht, imeachtaí, folúntais agus níos mó



Beidh Raidió Fáilte ag reáchtáil cúrsa nua ionduchtaithe le haghaidh daoine ar spéis leo craoladh sa stáisiún. Foghlaimeoidh na rannpháirtithe an bealach le clár a ullmhú, a léiriú, a láithriú agus a chur in eagar.

Beidh seisiún foirmiúil traenála amháin ann ina mbeidh na rannpháirtithe ag amharc ar an taobh teoiriciúil den chraoltóireacht agus ina dhiaidh sin cuirfear traenáil aonair ar fáil do na rannpháirtithe le go mbeidh siad in ann clár raidió a léiriú.

Beidh trí chlár raidió le déanamh mar chuid den chúrsa agus deis áit a fháil ar ár gcúrsa ard-scileanna don té a bhainfidh an caighdeán cuí amach.

Iarrtar ar dhaoine ceithre amhrán/píosa ceoil a thabhairt leo ar dlúthdhioscaí/USB ar an chéad lá traenála.

 

DÁTA: Céadaoin 08 Bealtaine 2019

AM: 2:00-5:30pm

ÁIT: Ionad Craoltóireachta Raidió Fáilte, 30 Sráid Dubhaise, Béal Feirste

DAOINE: Thar 18 mbliana

Déan teagmháil le Dónall Roimh Luan 5 Bealtaine

Fón: 028 90 310013

Rphost: traenail at raidio failte dot com

Twitter: @raidiofailte

Read 26 times
Rate this item
(0 votes)