Lárphointe eolais na Gaeilge: Nuacht, imeachtaí, folúntais agus níos mó
X

Aimsigh imeachtaí Gaeilge

Brúigh ar uimhir nó biorán

IMEACHTAÍ >>

Is éard atá i gceist le Bliain na Gaeilge ná ceiliúradh ar an nGaeilge sa lá atá inniu ann, chomh maith le 125 bliain d’athbheochan na Gaeilge. Déanfar ceiliúradh uirthi trí chlár cuimsitheach gnímh cruthaíochta agus feasachta a eagrú le rannpháirtíocht láidir a spreagadh i measc an phobail, a chuirfidh le dul chun cinn na Gaeilge sa dioscúrsa poiblí... Léigh tuilleadh

Nuacht as Gaeilge

Tuilleadh

Imeachtaí na Seachtaine

Tuilleadh

Faoi imeachtaí PEIG.ie

Is é PEIG.ie an t-aon suíomh idirlín a chuireann imeachtaí Gaelacha timpeall na tíre agus an domhain chun cinn. Aimsigh imeachtaí le freastal orthu nó cláraigh d’imeacht féin linn.

Tá rud éigin do chách ar ár léarscáil imeachta gach seachtain, ó chiorcail chomhrá go hoícheanta do Ghaeilgeoirí i dtithe tabhairne.

Breathnaigh ar an léarscáil idirghníomhach le feiceáil céard atá ag tarlú i do cheantar féin, nó bain úsáid as an mbarra cuardaigh le cuardach a dhéanamh de réir catagóire, contae nó dáta.

Ní gá cuntas a bheith agat le himeacht a chlárú. Brúigh anseo lenár bhfoirm imeachta a líonadh amach; tá fiseán teagaisc ann chomh maith le cabhrú leat tríd an bpróiseas.

Cuirimid meascán de na himeachtaí chun cinn ar na meáin shóisialta agus tríd ár nuachtlitir laethúil. Tapaigh an deis iontach seo poiblíocht a fháil do d’imeacht féin.

Events as Gaeilge

Faoi nuacht PEIG.ie

Is é PEIG.ie an t-aon suíomh a fhoilsíonn nuacht áitiúil agus náisiúnta na Gaeilge in aon áit amháin. Cuirimid na scéalta is déanaí ar fáil duit ó réimse leathan d’fhoinsí éagsúla chomh luath is go bhfoilsítear iad.

Clúdaímid nuacht as Gaeilge chomh maith le nuacht faoin nGaeilge, le gach rud ó chúrsaí reatha go físeáin mhearscaipthe san áireamh. Tacaímid le meascán de shuíomhanna nuachta ar nós Tuairisc.ie, MeonEile.ie agus Nos.ie. Déanaimid digitiú ar scéalta na nuachtán áitiúil chomh maith.

Is féidir clárú anseo lenár nuachtlitir dhigiteach a fháil gach maidin, le cinntiú go bhfuil tú suas chun dáta ar na scéalta agus imeachtaí is déanaí.

Cuirimid na scéalta is mó amach ar na meáin shóisialta; bí cinnte go leanann tú ár leathanach Facebook agus leathanach Twitter leis an nuacht is déanaí a fháil ar do shraith nuachta féin.

Nuacht as Gaeilge

I rith Bhliain na Gaeilge 2018 déanfar ceiliúradh ar an teanga trí ghníomhú ar chúig théama faoi leith: Athbheochan na Gaeilge le 125 bliain anuas; Cruthaíocht na Gaeilge; Beocht na Teanga; Rannpháirtíocht an Phobail; agus Luach ár nGaeltachtaí.

Spriocanna:

Déanfar tábhacht athbheochan na Gaeilge agus tionchar na hathbheochana sa phobal agus ar imeachtaí stairiúla le 125 bliain anuas a cheiliúradh agus a chraobhscaoileadh.

Tá féilire d’imeachtaí ildánacha, ealaíonta agus pobail ar fud an domhain in 2018 eagraithe, agus a chuirfear léi i rith na bliana, agus tá cúpla eochairthionscadal a leanfaidh ar aghaidh i ndiaidh 2018.

Déanfar beocht na teanga a cheiliúradh agus méadófar úsáid, dea-íomhá, feiceálacht, sealbh roinnte agus normalú na Gaeilge sa phobal.

Spreagfar rannpháirtiocht láidir ón bpobal agus tabharfar aitheantas don obair atá idir lámha leis an nGaeilge a chur chun cinn.

Aithneofar luach ár nGaeltachtaí i saol na tíre, spreagfar próifíl agus mórtas a bpobail, agus tabharfar faoi na dúshláin atá rompu sa lá atá inniu ann, le hiad a chosaint agus a neartú.

Spriocphobail:

Déanfar freastal ar na spri- ocphobail seo a leanas le himeachtaí na Bliana:

  1. Pobal líofa sa Ghaeilge
  2. Pobal na Gaeltachta
  3. Pobal an chúpla focal nó báúil
  4. Pobal an diaspora