Lárphointe eolais don Ghaeilge: Nuacht, imeachtaí agus níos mó. . .
Information hub for the Irish language : News, events & more..

Tóraíocht fhear amháin chun an teanga náisiúnta a fhoghlaim

Foghlaimíonn gach duine í ach ní féidir le héinne í a labhairt; is fuath le gach duine í ach fós ligeann chuile dhuine orthu féin go bhfuileadar ag iarraidh máistreacht a fháil uirthi. Ní raibh sé ach le cúpla glún ó shin go raibh an Ghaeilge mar teanga an ghrá, an teanga a chuirtí na páistí chun leaba, teanga an bhróin agus teanga na buartha, teanga na féirmeoireachta agus teanga na troda. Na laethanta seo, caitheann Éireannaigh ceithre bliana déag ag foghlaim na Gaeilge ach fós bíonn faitíos orthu dhá fhocal a chur le chéile. An í an teanga atá mar fhadhb nó muidne féin?

Cosúil le formhór mhuintir na hÉireann, rinne Michael McCaughan staidéar ar an nGaeilge ar scoil agus caith sé seal sa Ghaeltacht, ach níor éirí leis níos mó ná cúpla focal a fhoghlaim. Na blianta imithe uaidh anois, agus é beagnach 50 bliain d’aois, chuir baois na meanaoise Michael ar ais i dtreo na Gaeilge, ach an uair seo bhí sé tiománta chun an teanga a fhoghlaim as a stuaim féin.

San aistear pearsanta agus siamsaíoch seo, déanann McCaughan cur síos ar an taithí a fuair sé agus é ag titim i ngrá leis an nGaeilge arís, agus í á staidéar aige díríonn sé isteach ar an bhfáth go bhfuil idir ghean is ghráin againn ar an teanga. Cuireann na cainteoirí dúchais ó iarthar na tíre mearbhall air, súionn sé le náisiúnaigh agus dílseoirí i seomra ranga Bhéal Feirste, agus bualann sé leis na ceannródaithe, tosaitheoirí agus na daoine corra atá ag iarraidh ach teachtaireacht amháin a chur chun cinn:

Más é go n-oibríonn tú sa bhaile nó go bhfuil tú gafa san oifig an tseachtain ar fad, ag tabhairt aire do pháistí nó ag siúl sna cnoic, más é go bhfuil tú i do chónaí sa Cholóim nó Coillte Mach, má tá tú ocht mbliana déag d’aois nó 80 bliain d’aois, “is féidir leat – Yes, you can”

Seolfar 'Coming Home' anocht at 6:30 i siopa leabhar Dubray, Sráid Grafton.

Foilseofar ‘Coming Home’ le Gill Books ar an Aoine, 17 Márta 2017. Chun níos mó eolais a fháil, is féidir dul i dteagmháil le Teresa Daly, Bainisteoir margaíochta agus cumarsáide, 01 500 9521, 086 838 3559, tdaly@gill.ie 

Faoin Údar

Is údar agus iriseoir Éireannach é Michael McCaughan a bhfuil clú agus cáil air mar gheall ar an obair a rinne sé i Meiriceá Laidineach. Tá an-chuid ailt scríofa aige don Irish Times, the Guardian, Hot Press, Village Magazine, the San Francisco Chronicle agus the Sunday Telegraph. Chum sé trí scéal neamhfhicsean, True Crimes (2002), The Battle of Venezuala (2005) agus the Price of Our Souls (2008). Tá cónaí air sa Tobar, Co. an Chláir.

Féach anseo do liosta d'fhoilsitheoirí agus leabhair a mholtar do dhaoine fásta atá ag iarraidh an Ghaeilge a fhoghlaim. 

Read 255 times
Rate this item
(0 votes)